Sie sind noch nicht auf AWRI angemeldet!
Falls sie noch nicht Mitglied sind, treten Sie unserer Facebook Gruppe Rechtsforum Schweiz bei.
Anmelden über Facebook
,
Mit Email Adresse anmelden
Leute i han en frog en kolleg vo mit het sis lebe so zemmli verbockt nonie fest ergendwo gschaffet ossert a Lehr. I han en ufs Soz. gschickt. Die wennd em ned helfe. Er het wüki garnix weder Chrankekasse no e Husarzt weder e job? Einzige woner teilt mit 4 Metbewohner (Muetter, brüeder, sin Kolleg und er) isch e 3 Zimmerwohnig. Mueter stark agschlage nachem Tod vom Mah.. und e grosse Alkoholkonsum. Zuesätzlich ischer Vater vo mim Chind. Wie söll er vorgo? I minere sicht setti doch sozialamt helfe oder leggi da falsch?
Bewertung:
Noch keine Bewertungen vorhanden
Leute i han en frog en kolleg vo mit het sis lebe so zemmli verbockt nonie fest ergendwo gschaffet ossert a Lehr. I han en ufs Soz. gschickt. Die wennd em ned helfe. Er het wüki garnix weder Chrankekasse no e Husarzt weder e job? Einzige woner teilt mit 4 Metbewohner (Muetter, brüeder, sin Kolleg und er) isch e 3 Zimmerwohnig. Mueter stark agschlage nachem Tod vom Mah.. und e grosse Alkoholkonsum. Zuesätzlich ischer Vater vo mim Chind. Wie söll er vorgo? I minere sicht setti doch sozialamt helfe oder leggi da falsch?
Bewertung:
Noch keine Bewertungen vorhanden
Ansichten: 89
Archiv
- Februar 2015 (2)
- März 2015 (19)
- April 2015 (6)
- Mai 2015 (11)
- Juni 2015 (7)
- 1 of 12
- nächste Seite ›
Kommentare
Fr, 02/06/2017 - 16:34
Sandra Marty
Was isch den de Grund.. Dass er nid schaffet? Grundsätzlich müesst emol s Sozialamt berate.. Zum andere müessti er au für en Berrechnig Unterlage ireiche.. Und übrigens jede muess binere Krankekasse/Grundversicherig versicheret si...
Fr, 02/06/2017 - 16:34
Samantha Führer
Ja aber wenn er ned zahlt denn sperets ihm dienstleistiige.. nö?
Fr, 02/06/2017 - 16:34
Melody Prenza
Da muess es sozialamt helfe...
Kenns au das sozialamt seit naii mir helfed nöd aber das dörfeds nöd sie müend helfe
Fr, 02/06/2017 - 16:34
Sandra Marty
Stimmt.. Sozialamt muess helfe.. Aber mi hät au en Pflicht zum mitwirke/schaffe... sust chan Sozialamt au nid viel mache.. ohni Grundlage
Fr, 02/06/2017 - 16:34
Melody Prenza
Ja das isch so.. Aber am afang ide not müends helfe
Fr, 02/06/2017 - 16:34
Michèle Eichenberger
willer nüt findt.. vorallem bewerbig da fehle soviel jahr woner eifach niix gmacht het.. und i sege da ish de grund för absage...
Fr, 02/06/2017 - 16:34
Patricia Irniger
Und bim Arbetsloseamt hetr sich scho gmeldet? Sorry ha d Kommentär nid glese.
Fr, 02/06/2017 - 16:34
Michèle Eichenberger
joo aber den sell sozialamt ihn i sones projekt due... wos müend goo schaffe... aber eifach sege mer chöne nüt mache findi falsch
Fr, 02/06/2017 - 16:34
Melody Prenza
Das isch au falsch... Chasch sogar im gesetz das usse sueche
Fr, 02/06/2017 - 16:34
Michèle Eichenberger
mir gänds ebe kei uskunft öber die gspröch und de stand
Fr, 02/06/2017 - 16:34
Melody Prenza
Du chasch glich im gsetz usse sueche wo stoht was im sozialmt sini pflicht isch das ussdrucke und er sölls mitneh... Und suscht gmeintsvorsteher alüte und schildere.. Kenne lüt die hend viel ereicht mit dem?
Fr, 02/06/2017 - 16:34
Melody Prenza
Er söll sich glich bewerbe...
Fr, 02/06/2017 - 16:34
Nicole Wind
Als Hilfsarbeiter nähmeds Dich au wenn d viel Lückene hesch. Wener würklich öppis wott schaffe, denn sell är sis Dossier ad Personalvermittler abgäh (adecco, manpower usw). Die sueched churzfristig immer Lüüt als Hilfsarbeiter
Fr, 02/06/2017 - 16:34
Arianna Tapia Alvarez Mazzotta
Solang er di hei agmolde isch und 2 löhn ine chömmed vo muetter und gschwüsterti bechunt er nüt wil de langets für 4 persone er söl wükli remporär firma gah putze fabrik oder baustell wemmer schaffe wet den findet mehr öppis egal was
Fr, 02/06/2017 - 16:34
Michèle Eichenberger
wenn dir rav seit fühl die fehlende lücke us... wie wotsch da mache wennd dazumals eifach nix gmacht hesch...und kei angst es lit ned a dem daser ned wot abr i dem zuestans chönti au ned!! und mueter schaffet nix es schaffet eine vo denne 4 und de het e lshrlingslohn... glaubsh ja nit das da langet?
Fr, 02/06/2017 - 16:34
Melody Prenza
Wie zahleds den mieti ect.???
Fr, 02/06/2017 - 16:34
Michèle Eichenberger
hei da weissi au ned uf da hani sie alli zemme nonie agsproche abr i denke.. sozialamt...
Fr, 02/06/2017 - 16:34
Lisa Wenzel
Ich denke die Frau wird Witwen Rente bekommen und die minderjährigen Kinder oder in Ausbildung Weisen Rente.
Fr, 02/06/2017 - 16:34
Lisa Wenzel
Und wenn die Witwen Rente nicht reicht bekommt sie Ergänzungsleistung.
Fr, 02/06/2017 - 16:34
Keko Keko
So lang er ime Huushalt en Mitglied isch, tuet Sozialamt de ganze Inahme zäme kalkuliere und durch personen ufteile. Wenn das längt, den chomt sozi für nüt uf. Am beste er gaht zum em Facharzt oder Psychiater und checkt mal sini Gsundheit, meins ernst.
Fr, 02/06/2017 - 16:34
Selina Hufschmid
Er sell's mal uf em RAV versueche..
Fr, 02/06/2017 - 16:34
Nicole Wind
Für uf ds Rav mueser i de letschte 1.5 Jahr 1 volles Jahr gschafft ha
Fr, 02/06/2017 - 16:34
Selina Hufschmid
stimmt nid. Ig ha oh mind. 1 jahr wenn nid sogar länger elei gsuecht, uh NÜD gschaffet. Ha nehr trotzdem d Hilf vom Rav becho! 😊
Fr, 02/06/2017 - 16:34
Nicole Wind
Hesch Di denn früsch trennt gha vo Dim Maa? Denn gits nämmlich en Usnahmeregelig mitere verchürzte Duur
Fr, 02/06/2017 - 16:34
Selina Hufschmid
Nei, bi nid ghürate uh ha denn au Dihei gläbt. Drum kes Sozi brucht. Mini Eltere hend denn alles zahlt, und wo ig de nüd gfunde ha, ha ig mi bim Rav agmeldet. Sie hend mer gholfe bim Job sueche und ig ha über sie diversi kürs könne Bsueche. + sie schicket di in es Arbeitsprogramm.
Fr, 02/06/2017 - 16:34
Samantha Führer
Nicole Wind ich kenns au nu mit dem system kollegin bechunt ez nemli au nix well ihre 2 mönet fehlet
Fr, 02/06/2017 - 16:34
Nicole Wind
Ja Selina. Wenn me nach der Schuel nüt hett isch das eso. Sobald me aber mol gschaffet hett und/oder en Usbildig gmacht hett, isch das nähr verby. De gits nur no Hilf, wenn mindestens 1 volls Johr gschaffet hesch. Ussert ebe d Usnahmeregelig für Husfraue wo sich löhnd loh scheide und nur no dehei sind gsy. Sie berchöme e verchürzti Rahmefrist vo 90 Täg vom RAV.
Fr, 02/06/2017 - 16:34
Selina Hufschmid
ich ha denn scho mini usbildig gha! Nach dr Lehr ha ig nüd gfunde, nid nach dr Schuel.
Fr, 02/06/2017 - 16:34
Samantha Führer
Ja nach de lehr zehlt ja au wie nach de shuel ?
Fr, 02/06/2017 - 16:34
Samantha Führer
Zerst überlegge und informiere.. chunt meist ned gueht wenn finger shneller sind als de kopf ?
Fr, 02/06/2017 - 16:34
Nicole Wind
Selina, das zellt als ds glyche im Sinn vo Jugendbonus. Bis froh hesch denn scho en Usbildig gha.
Fr, 02/06/2017 - 16:34
Nicole Wind
Selina i has villicht chli z missverständlich gschriebe wäg der Usbildig. Also wenn nach der Schuel grad en Lehr gmacht hesch und denn nüt findsch, grift der Jugendbonus. Hesch nach der Lehr zerst aber gschaffet, denn entfalts
Fr, 02/06/2017 - 16:34
Michèle Eichenberger
s'rav schickt dich genau ine PC kurs zum bewerbige schriebe... kollegin het das 2 mol müese mache... aber ebe er bechunnt e nix vom rav willer ned es johr fest neume gsi isch..
Fr, 02/06/2017 - 16:34
Samantha Führer
Ja de kurs hani au gmacht aber ish fall gar ned so dumm also mue sege ha würkli na sache debii glernt aber da gad 2 mol bringt doch au wieder nix
Fr, 02/06/2017 - 16:34
Michèle Eichenberger
ebe... er het sis ganze bewerbigsdossier zemme... naja edz chunnt jo de saison für gärtner... 😊
Fr, 02/06/2017 - 16:34
Nicole Wind
Michèle, gib ihm der Tipp über d Personalvermittler zgoh für Arbeit. Das klappt eigentlich immer.
Samantha. I hanen sogar (also nid pc, aber de Bewärbigskurs) 3 mal müsse mache. Die erste 2 sind für nüt gsy, aber der dritt isch super gsy. (Jedes Mal andere Kanton!)
Fr, 02/06/2017 - 16:34
Michèle Eichenberger
i werds em usrichte... ? be eus gosch ebe all joht i glich kors am gliche ort...?
Fr, 02/06/2017 - 16:34
Nicole Wind
Ha jetzt grad es persönlichs Coaching gha (hani bim Rav verlangt) und jetzt gahts super und mini Underlage sind jetzt würklich ändlich top
Fr, 02/06/2017 - 16:34
Nicole Wind
I ha ne au scho gseit da machi nümm. Bi aber schlussändlich glych froh gsy. Aber immer bim glych nützt da nid würkli viel
Fr, 02/06/2017 - 16:34
Keko Keko
12 Monat Biträg zahlt, damit er 1.5 Jahr Aspruch bechomt vo 70 % lohn
Fr, 02/06/2017 - 16:34
Saskia Ogorsolka
Michèle Eichenberger wie alt isher den? Und wo wohnt er? Es git vershideni alauf stellene woner sich cha melde. Zum die ganz situation aluege wo eim au witer hekfet bezüglichs wohne well so wie ichs useglese ha ishs fast s beste wener det usse gaht. Nd wo eim au susht helfet wegem job und iund und daser sis lebe wider richtig in grif bechund. Wünsh ihm aber alles gueti für zuekunft und das alles au be ihm berg uf gaht 😊
Fr, 02/06/2017 - 16:34
Michèle Eichenberger
Also sini mueter schaffet niix.. vo denne 4ne chund genau ei lehrlingslohn ine...
Ufm rav ischer gsi die hend gseit er muss ufs soz. und soz seit er muss ufs rav!
Saskia Ogorsolka er isch 25gi und wohnt im AG.
Fr, 02/06/2017 - 16:34
Saskia Ogorsolka
Oki ja er sell mal chli umeluege im internet evtl findet er ja e stell wonr sich cha melde
Fr, 02/06/2017 - 16:34
Michèle Eichenberger
jo voll i gibm da mal witer suscht gang ich dete mal ufs sozi
Fr, 02/06/2017 - 16:34
Bubu Sandra
uf em sozi musch mengmol eifach chli druck mache i eusem gsetzt stoh das jede s rächt het uf grundbedürfnis und do isch kk usw mit drinn und die mu übernoh werde...
resp ohni ikomme nix = Prämieverbilligung
i würd am soz druck mache die tüänd gern chli quer...
und sie söled em vilicht helfe vowege ufhöre mit em alk usw