Alles was Recht ist

Wird ja hoffentlich einer von beiden wollen..... Hallooo

Markus, mi nimmt ja genau das wunder, was passiert wens keine will. 😉
Ja ned witzig im ernstfall, i weiss!!!
Aber, d frag isch entstande, de maa seit bi gricht - i wet sorgerächt ned, lähne dankend ab (würkli passiert, verstah cha das wohl keine). Het den jetzt d muetter s gliche recht? U was genau würd de passiere mitem chind? U würds den bi de zweite parti zmau nüm so eifach gah? U wenn ned, warum cha e vater eifach so mau säge, weti ned, ade..
daher chunt die komischi frag uf. 😊

Also für mich tönt das so als ob beid am liebste nöd oder nüme wetted eltere sii (verstahs wer will..). jedefalls chame das chind nöd eifach so mal husch irgendwo abgeh. en denkbari variante wäri, das mer das chind zur adoption freigit. en andere weg zum das chind legal "loswerde" chunt mer grad nöd in sinn. gsetz reglet adoption ziemlich genau und seit, das im adoptionsverfahre "die zuständige kantonale Behörde" das müsst überneh. wahrscheinlich KESB und det kriegt das chind sicherlich en vormund/beistand wo fürs recht vom chind lueget. letztlich laufts ufen fremdplatzierig (pflegefam., heim etc.) use...und was sicher isch, vo hüt uf morn passiert das nöd.

Merci für dini mühe! Auso zum klar stelle, i wet keis vo mine chind los ha. 😊
Wie isch den das wenn de vater sorgerecht abgäh het, isch er dennoch verantwortlich? Sprich in wie fern het mer da d möglichkeit de vater id verantwortig z ziehe?

Moralisch isch mer immer in dä Pflicht. Hüt chame als Ma entscheide ob mer das gemeinsame Sorgerecht will....oder nöd. Vorher hät Ma muesse drum kämpfe.....so oder so, in dä finanzielle Pflicht staht mer sowieso. wie gseit, bis zum abschluss vonere adoption, wo die "neue" eltere sämtlichi recht und pflicht am chind übernämed, stönd beidi eltereteil in dä pflicht.
selbst bi muusarme lüüt gilt das. det chas nu sii das über en bevorschussig geld zuhanden vom chind lauft.
gaht etz aber scho is sehr theoretische und vom 100 ins 1000 über.

Ums geld geihts mir ned mau, meh ums istah fürs chind, da si..
sprich wenn es chind spezielli bedürfniss het, spezielli betreuige bruch usw. Geihts nur über s moralische? U wenn ke moral da isch, de het s chind schlichtweg päch gha?

wen adoption dure isch, den cha nur na chind vo sich us uf sis recht, sini liibliche eltere z'kontakte, poche. di liibliche eltere sind den duse. sötted au keinerlei möglichkeit ha mitem chind us eigetem atrieb in kontakt z'cho.

s'chind hät den "neui" eltere wo für alles lueged und iistönd.